- من ميدان التحرير إلي الإخوة الأشقاء العرب
، في حد مضايقكم تاني نخلعه قبل ما نترك لميدان؟ - بيان رقم 4 للقوات المسلحة ... الرئيس
مبارك لم يتنح ودي كانت اشتغالة ويهيب المجلس
الأعلي بالمتظاهرين في التحرير التحلي بروح
الدعابة قائلا لهم " لو تحبوا نذيع هنذيع.
-نكتة الموسم من ميدان التحرير: إنت زعلت مننا يا ريّس! إحنا كنا بنهزّر معاك ..
طب مش حانمشي إلا لما ترجع
- رسالة من الرئيس المخلوع الي مصر الحبيبة
:اعتزازي للي هييجي بعدي، خليه يسامحني اصل
انا اخدت كل حاجه في عهدي و شوفي عهدي ان كام سنة.
-قرر مبارك الترشح لرئاسة تونس وملايين
التونسيين يطالبون بعودة بن علي للحكم.
-حسني مبارك جمع شيخ الأزهر وبابا الكنيسة
المصرية وقال لهم: أنا جمعتكم النهارده عشان
أقول لكم إن ابني جمال هيبقي رئيس مصر سنة
2011م
قام البابا قال: ماشاء الله اللهم صلي ع النبي.
شيخ الأزهر قال له: إيه اللي بتقوله ده يا
حضرة البابا.. الكلام ده بتاعنا؟
البابا قال له: ماهي حاجة تخلي الواحد يطلع
عن دينه.
-مواطن مصري قال لآخر : الرئيس حسني
مبارك خطفوه والفدية 5 مليون دولار، ولو الفدية
ما ادفعتش .. الخاطفين هددوا يدلقوا عليه بنزين
ويحرقوه وأحنا بنجمع تبرعات .. تحب تشارك؟
الرجل سأل: "وفي المتوسط الناس بتتبرع بكام"..
الرجل الثاني : " من 5 إلي 10 لتر بنزين ؟
-عاجل: سيتم انتقال السلطة بشكل سلمي
وجدول زمني محدد الجدول هو : الرئيس يحكم
أحد وثلاثاء وخميس ..
عمر سليمان سبت واثنين وأربعاء
ويوم الجمعة مرة شفيق ومرة الجيش إللي يصحي الأول.
- بيقولك الشباب في التحرير مختلف مع بعض
علشان فيه ناس معاها أجندات 2010 وناس
2011، ده غير الاخوان اللي معاهم أجندات بالتقويم الهجري.
-بعد جمعة النصر في تونس وجمعة الرحيل
في مصر قرر القذافي الغاء يوم الجمعة.
-الجمعة القادمة هي جمعة ارجع بقي وحشتنا.
-من ميدان التحرير الي كل أخواتنا في الدولة
الشقيقة:حد عنده ريس مزعله.
-عاجل: الصعايدة مازالوا يطالبون حسني
مبارك بالتنحي.
- سمعت عن شعوب نجحت ثوراتها وشعوب
فشلت ثوراتها وشعوب غيرت وشعوب اتغيرت
وشعوب تقدمت وشعوب فضلت عالم تالت لكن
عمري ما شفت شعب عايز ينهي ثورته علشان
عنده شغل الصبح والعيال عندها مدارس والمرتب
ما نزلش .. المرة الجاية ان شاء الله نعملها لكم في الصيف.
- احب أسأل ضمير كل واحد اعتدي علي تامرحسني في الميدان
ماعندكش اخوات بنات؟
- الي كل المعترضين علي ميدان التحرير وكل
المتعاطفين مع حسني مبارك واللي بيعتبروه
باباهم ياريت تكتبوا اساميكم في ورقة علشان لما
النظام يتغير حانلمكم في مستعمرة ونمشي عليكم النظام القديم.
- الرئيس الليبي معمر القذافي في لقاء
تليفزيوني قبل قليل: المرأة لازم تاخد حقوقها
سواء كانت ذكر أم أنثي.
- بيقولك الراجل بتاع كنتاكي ابودقن بيضا طلع اخوان.
- المواطن المصري الوحيد الملتزم بقرار حظر
التجول حتي الآن هو حسني مبارك.
- رسالة من تلميذ مصري الي ميدان التحرير:
بخصوص الثورة اللي شغاله عنكم لاتنسوا أنها
ستدخل في مادة التاريخ واحنا اللي بنحفظ
فاختصروا من فضلكم؟